Son papa té i suiv son garsson é téi oi bien tout progré li téi fé. Li oi pou son garsson in bon l’avnir si li ariv alé dan l’erop é oila k’in zour in soidizan ajan bann foutbal la fé dir lo papa l’avé in plass pou son garsson dann in gran lékip laba dann l’Italie. Mé l’Itali lé pa la port akoté é i fo ankor ariv laba.Mé zistoman néna in bonpé passèr i tourn, i vir otour bann jenn é i propoz zot sèrvis.
Dabor i fo alé dann bannzil Canaries in port l’Erop konm i di, in landroi lé fasil pou fé papyé é pou toush in droi d’sézour dann l’erop. Aprésa lo talan bann jenn i sifi pou fé la ronomé é pou ramass larzan an kantité. Lo papa kan i parl ali larzan, son zyé i briye ;Lo famiy galman épi bann kamarad dann lo vilaz épi in kantité d’moun.. Passeur, la pa sa k’i mank é mèm si lo voiyaz i kout 380 €, inn i èd l’ot i èd l’ot la somme larzan lé vite ramassé.
Do gré, do for, par la préssyon, par maliss, ala Doudou anbarké dsi in bato d’passeur. Diréksyon Canaries mé voiyaz lé long, lo i mank, manzé ossi é oila ké lo marmaye i mor d’soif épi ‘faim .Lo passeur i jette lo kor dan l’oséan atlantik. In mor inossan anpliss ;
Prossé i sort passé, lo papa té kondané mé tout bann kamarad Doudou néna konm in neu dann vant. Zot ossi zot i zoué foutball. Zot ossi lé antouré par in bann soidizan ajan. Zot ossi néna soidizan plass dann bann gran klub l’europ. zot i krin ézot i éspèr in zour zot ossi va anbarké pou alé dann canaries épi dan l’europ épi lo siksé, épi larzan, épi in soulajman pou zot famiy.
Mé si i ariv pa ?Mé si la mor i trap aou dann loséan ? i ariv ar pa, !mé si i ariv ? konm l’ariv lo pov Doudou : la mor in inossan i anpèsh ar opa d’ot mor d’ot zinossan.