Médam, zé méssyé, la sossyété, koz èk mwin sé koz avèk in kouyon mé sé o pyé d’lo mir k’i oi lo masson.

Mézami, kozman-la, mi sorte tir ali dann lo liv « somi lo mo », in liv défin Daniel Honoré la fé néna déza in bon boute tan. Kossa li vé dir égzaktoman, mi panss sa in fasson pou kass ti-boi in moune parèss k’i yème pa tro forssé , ni lo matin, ni lo l’aprémidi.

Sa i égziss, konm noute toute i koné é pa arienk issi shé nou, mé in pé partou dsi la tèr é souvan défoi zot i poz bonpé problème rolassion avèk demoune néna , pou inn rézon, sansa pou in n’ote, afèr avèk zot.

Antouléka, mi kite azot rofléshi la dsi é ni rotrouv pli d’van. Sipétadyé.