Sa i fé mazine à moin Oppenheimer lo scientifik la suiv lo program pou fé la bomb atomik. I di ke aprè l’explosion lé dé bomb dessi Hiroshima et Nagasaki en 1945 (103 000 et 220 000 mor sans konté lé konsékans), li la démissioné sitelman li lavé rogré. Mé rogret lé aprè la mor, sé bien le ka de dir !

Mi arvien dessi l’IA, é, ek sa, tout bann technologie i exis koméla pou fé pass à nou lo tan, ou plito pou fé perde à nou lo tan.

Zot la fini romarké lo tan nou perde dessi inn ti lékran ? In zour fé lespérians.Veille bien lèr ou komanse agarde zafer dessi lo Nèt, é pi Romark lèr ou la fini. Si ou la apprann in nafère lé bon, mé la plipar d’tan ou la pa rotenir arien. Pendan s’tan là ou noré gane fé in not zafer itil.

Rogard partou oussak ou sava koméla, ou va war in ti baba, lo zié fixé dessi zot lékran : la pli y pé tombé zot lé okipé ! Bonpé scientifik i alerte bann lotorités piblik dessi ce fénomène. Zot i prétan sa lé grave pou l’avnir léspès himin. Zot la romarké, bonpé marmaye lé plis en plis en rotard dan zot dévlopman, épi lintélizence (lo QI) lé entrin d’diminié. Lé grav pou tou le bon : kan l’IA i grandi lo QI i dimini ! Fo nou porte attention mézamis, sinon domin, nou sera léspès animal lo pli bête oté !

Justin