Oté

« Drèss martin si ou i vé, mé antansyon i pèrs out zyé » 

In kozman pou la rout

Justin / 12 out 2020

JPEG - 43.6 ko

Mésyé zé Médam, la soyété, koz èk moin sé koz èk in kouyon, mé sé o pyé d’lo mir k’i oi lo bon mason. Mézami, zot i koné martin ? Zot i koné zoizo la ? Zot i koné, si i koup son filé zot i pé ziska amontr ali kozé. Anfin pa kozé pou vréman mé di inn-dé parol ou i pé déshifré, mé mi pans pa lo zoizo i donn in sans son kozman. Mi antan dir kékfoi, martin la dénons in volèr mé mi kroi pa lé vré. In famiy amoin i di son martin i di souvan défoi, « intèl la boir lo ronm ». Zot i pran konm zot i vé, moin mi dout. Kan moin té pti, mi souvien in moun l’avé drèss in martin pou son pti garson, é lo marmaye son plézir lété zoué avèk li.