Vint-sis zilié 1826, in lordonans lo roi La Frans i di : si in bato i rod manièr pou amène zésklav lil Bourbon, va karsèr ali. Si kapitène bato sé in fransé, li nora pi lo droi zoué son rol kapitène bato. La zandarmri va sézi lo bann marshandiz sof bann noir. Bann la v’alé travay konm z’angazé dann l’atlié kolonial.
Bato larmé té i fé la shas bann bato négrié. Téi trap azot souvan : sink sis dann inn’ ané. Na dé foi, i trap soman lo bann déporté kashète dann in rokoin. Dé foi, i trap lo kanote, i débark “la cargaison !”. I ariv bann déporté i shap avèk la mas épi i sar kashète dann boi.
Té i roganiz bann prosé : in soisantène pou la période la traite té défandi. Lo kapitène, sansa lo propriétèr bato, dé foi bann zandarm mèm konplis, dé foi bann kolon té i pass tribinal. Té rar kan zot té i gingn in vré kondanassion pou tout sort (mové) rézon : la pa trap an “flagrant délit”, bato i navig "sous pavillon" bann z’anglé, na poin prèv, épi kan si na prèv, sa lé pa valab.
Té in drol périod, té in drol zistis. Mé touzour bann noir konm viktime.

Justin