In n’afèr mi rotien : si koméla bann z’assosiassion i intervien pou ède lo moune dann la prékarité néna souvan la parol, bann pov zot mèm demoune i antan pa zot tro é zot lé konm k’i diré zot lé souvan défoi in pé invizib.

Lé bien domaz i fé pa pliss in ka avèk sak i viv an déssou lo sèye la povrété, mèm avèk sak lé dann la mizèr, la solitide épi l’abandon. Lé bien domaz na pwin in vré plan pou ède banna pou ansorte azot

In plan ? Kékshoz i fonksyone an pèrmananss avèk zot finansman épi zot prop roganizassion… Ni pé dir, issi La Rényon néna bonpé dmoune i ède lé zot, i fé sak zot i pé pou kass la solitide in bonpé mé néna touzour bonpé i pass an travèr bann maye lo filé.

Bien antandi mi anparl pa in péi mizèr, mé mi anparl in péi an parmi bann pli rish dsi la tèr-I di pa La franss sé suivan lo ka lo sizyèm sansa lo séty puissanss mondyal par son PIB é poitan sé konmsi lo péi lé pa roganizé pou ède bann pov dann zot vi kotidyène.

Normal ! Bann pov i gouvèrn pa, la pa zot i désside la politik io péi pou bann léssé-pour-konte, la pa zot i fé valoir zot bézwin é la fasson k’i fo fèr pou ède azot lo méyèr manyèr k’néna poiu fèr.

Lo tan i pass, ané apré ané, moi apré moi, zour apré zour mé moune atèr i rèss touzour atèr, konmsi té forssé pou zot partaz bann rèst-

A bon antandèr salu !

Justin