Mézami konm in pé i di, la vi lé pa si tèlman souvan in gran fleuv trankil mé la plipar d’tan wi travèrs la zone tanpète pli souvan ké oute tour. E kan wi panss wi sava déboush dossi lo bonère wala ké ou lé dann lérèr é in malère i amenn in n’ote épi in n’ote ankor é wi ariv pa sorte aou dann malizé..

La vyolanss i antrène la vyolanss konm lo malèr i antrènn lo malèr é kan wi kroi ou la fine shape la maldikssyon, sé l’èr ké ou lé d’dan é bien mayé dodan... Mi vé pa dire néna poin métode pou ansorte aou, mé rofléshi bien, kalkil bien pou ou trouv oute shomin galizé. Si ou la trouvé, anbèk anndan, san dévyé, san kite oute voi.

Alé ! Mi kite azot rofléshi la dsi é ni artrouv pli d’van. Sipétadyé.

Justin