La pa promyèr foi sa i ariv é bonpé morisien lé bonpé trakassé par lo problèm lanvironeman dann zot péi lé a d’mandé kossa i pé fèr pou arète dofé-la… I paré bann rézo-sossyo i anmaye ladan si tan tèlman lo problèm lé fine bien grav. I fo pa non pli obliye problèm-la sa in problèm santé piblik si tan tèlman la kalité d’lèr lé pa bon pou réspiré.

Mwin la fine anparl azot linssandi-la é mèm in solission bann zotorité téi vé mète an akssion pou rézoude problèm-la. Momandoné bann zofissyèl té i vé domann La Franss in kou d’min avèk lo Dash mé i paré lo romède n’arté pli pir ké lo mal. Sé pou sa la pa parti pli loin ké sa.

Astèr banna i antrovoi in n’ote solission sé d’rokouvèr toute landroi l’apré brilé avèk la tèr. Lo miniss lanvironeman la lanss in apèl la popilassion pou domann ziska 25000 mète kib la tèr pou anpèsh lo fé prann pliss ankor. In pé la pèr lo linssandi i dovien inkontrolab.

Alon éspèr sa i ariv pa konmsa é aprésa lo bann résponsab i mète o poin in plan pou bien suiv la désharj sak la pran fé épi lé zot ossi lé riskb pran fé.

A bon antandèr salu !

Justin