Figir a zot, justin i lir tout sort liv, di pa li na inn i intérèsra pa li, tout i pé prézant in nintéré. Mé kèl intéré ?
Lot zour mi tonm si in liv, mi koné pi égzaktoman lo tit, mé à pé pré, « lé zéskandal finansié an Frans ». Konm mi suiv in pé laktialité dépi 40, 50 tan pli partikilièrman an Frans, moin lé intérésé alé konprann pli loin !
Alors lo liv lé konstrui par lèt lalfabé.

A, konm Afèr zidisièr…
B konm Bernard Pons.
C konm Christian Estrozi, Cour des Kont.
D konm Direksyon Kriminèl, Diréksyon Afèr finansièr.
E konm Elysée
F konm Flosse Gaston.

Konm moin la viv an Polinézi, ékout sak moin la lir.
Flosse Gaston lé né dan lé zané 30-40 dan lé zil Ganbié, monmon paumotou, pèr orizine lorin(fransèz). Ekol, sorti nivo sertifika, konm la Rényon, an so tan, li lé mèt dékol.
Apré li rant an politik koté RPR, donk Zak Sirak, son gran kamarad, taka sad la i apèl a li ziska « mon frèr ».
Flosse lé diréktèr bon pé zafèr : prézidan Asanblé téritorial, prézidan Tahorea Huiraatira (le RPR lokal), dot sosiété ékonomi mikst, soi dirèktèr, soi aksyonèr prinsipal, gran sène dotèl, ziska inpor –ekspor, soi li soi son garson, son zann…

In zour, in mir 300 mèt longèr, 7mèt otèr, lé komandé po son kour personèl… pars li doi rosovoir prézidan la Frans (ki ?=Zak Sirak !), sé lo minis (RPR) lanvironman i donn lé zord po fé lo mir !!! Oui trouv drol kan moin té laba (1970), Michel Rocard i ariv laba i déklar « to de go »-in ti pé agasé- : « Qui paie controle ! »
Larzan i ariv po lopital i sar fé bann rout ; larzan i anvoy po lisé i dépans an kanpagn élektoral !

 Justin