Mézami dir in fam lé an voi d’famiye sé anparl avèk réspé, mé sé an parl zoliman. Pars an kréol rényoné konm dann toutelang, toute péi néna plizyèr fasson pou dir sa ; déssèrtènn lé zoli kome sak ni sorte oir, mé néna dé fasson lé mwin élégan.

Par égzanp kan wi di lo fanm la manz gro poi, ni pé rokonète ansanm sa lé pa zoli-zoli. I pé di ossi lo fanm la larg son balo… El la akoushé. I pé di ossi « ansinte » é dann tan téi di pa lé shoz konmsa. Mi rapèl kan nou la fé lédikassion rolizyèz kan lo pèr la di « Marie k’lété ansinte » ébin plizyèr rante nou l’avé onte.

Mi koné pa si koméla sré ankor konmsa mé avan oui.

Alé ! Mi kite azot rofléshi la dsi é ni rotrouv pli d’van, sipétadyé.

Justin