Sé konm k’i diré in sor-in sor malgash si zot i profèr. Konbien foi moin la antann kozman-la par rapor in rényoné la trouv l’antant l’amour avèk in malgashine. Épi la pèrd son bien étsétéra la ké lo ra, mé ni koné la pa arienk avèk bann malgashine ké lé shoz i ariv konmsa : zot la zamé antann dir in moun la boir « dolo bandèj » ? Bandèj sé baké, osinonsa « lav-la ». Zot i konpran kosa mi vé dir ? Fanafout sé in filtr pou fé énèts l’amour. Sa lé vré, sa lé pa vré ? Kosa zot i anpans zot pèrsonèl, arien di tou ? Fé travay z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète , tazantan dakor rantre nou.

NB Bandèz, sa in n’afèr pli sèryé ké zot i kroi. I paré ké Doktèr Raymond Vergès, diréktèr la santé, dann son tan téi konsèy tiliz bandèj pou fé la toilète intime. Konmsa sa téi évit désèrtènn maladi. Zordi lé modèrn, d’akor, mé dann tan.