La di nout péi té dirizé rienk par bann boug minm. la pa vré. kisoi sak la fé mal nout nasion, ousansa sak la done la min po dèvlop ali, nana in takon madame la mèn lo péi, èk zot kozman, zot pansé, zot mazinasion voir in péi anlèr, san diférans rant la kalité demoun. kisa i rapèl lo promié mèr fanm La-Rénion.

Alé voir parkoté Sin-Lé ! ousansa kisa i rapèl kan Margie Sudre la diriz la Rézion, apréla nana sak té dann lasanblé nasional po batay po nou, ousansa ankor tout sat la travay dann konsèy minisipal. non, nana in takon fanm la doss po nout péi.

N’i ral pa dantèl, n’i vé pa mèt poul léspèss kont kok delo, soman koman n’i gingn félisit travay Huguette Bello la fé dépi lontan po bann fanm korbizé, afèr pa koz Aude Palant Vergoz i désanz in ka an bon lodèr, mèt ankor Monica Govindin, Maya Césari, Christine Soupramanyen, é tan d’ot solon létikèt politik.
Plass po bann fanm zordi...

Justin