D’apré sak i di sa in kozman demoun La Guadloup solman sanm pou mwin sa in kozman i pé intérèss in pé tout demoune dann tout péi. Pa solman bande fanm. Pou kossa mi di sa ? Pars konm zot i koné bann bononm lé mizojine-in pé lé riskab parl rasiss antifanm. Donk zot i yèm bien tir défo dsi bann fanm. Lé vré sak mi di la !

Mé opliss i sava, opliss bande santiman bande bononm i prète sa bann fanm. Alon arète koz la boush rouvèr : lé z’inn, konm lé zot firamézir i sava ni pé dir nou néna même défo épi mèm kalité é lé pa pou flaté, ni pou krétiké mi di sa. Final de konte sé la sossyété k’i donn anou noute kalité épi noute défo.

Sof ké lédikassyon la plipar d’tan èl ossi èl i done anou souvan défoi la dirékssionn dan la vi. Sof ankor ké lédikassion bande garsson, épi sète bande fiy lé pa touzour parèye é sé pétète sak i fé ké lé z’inn épi lé zote nou lé pa parèye san pour san mèm dann in même sosyété pou noute kalité épi pou noute défo.

Alé ! mi kite azot rofléshi la dsi é ni rotrouv pli d’van. Sipétadyé !

Justin