In zour na in moun la di amoin sa : listoir in moun té i viv Sint-Sizane. Mèg konm in klou, vif konm in dyab é si tèlman faye, demoun téi apèl ali faye-faye. Li té boushé, é avèk in pti kouto do riyin ditou, li té kapab tyé in bèl bèf.

Té inkroiyab oir lo pti boug koté in bèl bèf alonzé, mor. Kèl fors li té Ii pé trouvé pou fé sak li téi fé ? Pèrsone té i konpran pa sa. Sa i vé dir, i fo méfyé la féblès, la frazikité, pars sa i pé pèrmète fé désèrtènn grann shoz. Konm i di osi : « ti ash i koup gro boi ». é sa osi i vé dir lo mèm shoz…

Donk alon méfyé la fors an aparans ! Anon pa mépriz sak i aparé fèb. Dann la bib, David la pa tyé lo zéan Goliat avèk dé pti galé ? Sa sé in n’afèr i fo pa obliyé. Zamé d’zamé.