Mi rapèl promyé foi mwin la antann kozman-la té dan la boush Méssyé Henry Lapierre, in lanssien dirizan lo parti é proféssèr d’filozofi dann in rényon publik, é li té apré parl son ladvèrssèr la politik dann tan-la é li téi di : « li sote par issi, li sote par laba, li sote par anlèr, li sote par an-ba é nou ni di ali, sote koman ti vé koko toué lé pri dan la min korbo ».

Kissoi la maladi, kissoi problèm la vi, kissoi problèm larzan, kissoi ankor toute kalité la tablatir, wi sèye shapé mé wi gingn pa.L’èr-la mi panss i fo ou lé fataliss é wi di « i rèss arienk pou fé avèk » sirtou kan ou lé dann in shomin sa issi, pwinn shomin pou shapé.

Alé ! Mi kite azot roflèshir la dsi é ni rotrouv pli dvan, sipétadyé.

Justin