Moin lé sir, in pé va di sa in kozman dann tan lontan, sa in kozman i pass pi. Poitan moin lé sir, mèm si in jenn i koné pa lo kozman, la pa bézoin fé in tradiksyon pou li, la pa bézoin mète an kréol l’ané 2015 pou li konprann. Pou kosa ? Pars, sanm pou moin, l’imazinasyon kréol La rényon na poinn bor pou trouv in manyèr dir toulmoun i aksèp épi toulmoun i tiliz. Astèr nout kozman : zot i oi bien sé lo kontrèr d’ète sinp, sé lo kontrèr de pass san ète romarké, fé dantèl sé fé l’intérésan (i di osi « fé l’inté »). Moin lé sir, zot konm moin i koné demoun i èm fé konmsa.. Pétète zot mèm lé konmsa tazantan.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant, ni pé z’ète dakor rantre nou.