Mézami zot i koné fèye sonz ? Delo in pran pa dsi, mèm la rozé i pran pa dsi… Mi rapèl in shanté té i di konmsa : « Oté, sa fèye sonz sa, la rozé pran pa déssi ! ». La ni anparl fèye sonz-la, mé kan nou lé dann in lékspréssion imazé, kossa sa i vé dir oziss ?

Sinploman ké lo kozman i fé pa arien dsi mwin, sansa dsi la pèrsone i gingn in mové kozman. Konm delo i mouye pa fèye sonz, lo kozman i fé pa mwin arien.

Mi kite azot rofléshi pou oir si sa lé vré in pé, bokou, pa ditou…toultan sansa zamé osinonsa tazantan.

Alé ! Ni artrouv pli dvan, sipétadyé.

Justin