Poul i bataye san antouré. Parèy pou kok. Kanar galman lé konmsa. Mé pintade i fé l’antouraz : zot i mète a plizyèr pou protèz z’ot group kisoi kont papang, kisoi ankor kont kok bataye. I paré mèm la-ba Madégaskar, bann pintad sovaz i fé l’antouraz pou protèz azot kont bann shien sovaz. Mi souvien, dann tan d’avan, l’avé touzour in-dé kador dann kartyé, sansa ankor z’alantour bal. Inn tousèl ou i va pa avèk li, mé si ou la fé l’antouraz pintad é anplis ou la pran ali an trète, konm di lo kont, ou i yinbou amenn ali. Ala pou kosa l’antouraz sé in mové konm in bon n’afèr. Mé tout sak mi di mi pans zot i koné sé pou sa mi kite azot rofléshi la dsi é majine z’ot bon tan é boudikont ni artrouv pli d’van. Sipétadyé !