Toultan ni antande i fo ni dégaj, i fo ni fé lo vif, i fo ni sava pli vite, pars la natire i atande pa nou osinonsa pars déga nou lé fine fé dsi la natire, lé konm k’i diré, in roulo konpréssèr, é konm li lé lanssé, sar bien difissil pou arète ali.

Zot i rapèl fab La fontaine nou l’aprann kan nou té lékol ? Sa téi di konmsa : kourir i sèrv arien pars i fo wi dékol a tan. Si i tonb avèk in moune lé pli konssyan, pridan konm Paul Vergès, li va di avan ké lo signal déga lé anonssé, i fo pran bande déssizyon k’i fo.

Mé si wi bite avèk demoune i panss si i fé vite sar tan pou ratrape lo tan pèrdi ou lé batu d’avanss : sé in l’érèr, in grossyé l’érèr sinploman pars la vitèss néna son tan é lé pli fassil patiné ké dékolé.

Alé ! ni artrouv pli d’van, sipétadyé.

Justin