Sanss prop mi diré lé lozik, pars si la plui i tonbe pa nora pwin la bou ésa lé konmsa é a otroman.Lé rar néna la bou, mé si la plui i tonbe in pé for, toutsuite la tère i vien an bou. Donk la plui i vien an promyé, é la bou i v ien an dézyèm é sa i doi ède anou pou done lo kozman in sanss figuiré épi éssèye oir kansa i ansèrv in kozman konmsa.

Sans figuiré, ni pé dir la koze i vien avan la konsékans. Alé rode léfé in n’afèr la pankor arivé sé pèrde son tan. Mi koné d’moune avan zot i gingn travaye i rode koman dépanss zot larzan. Mi trouv sé in mank dé lozik sa. Mi koné ossi bande madame lé trakassé pou lé konsékanss in n’afèr avan k’i ariv, mé ni pé konprann ké demoune lé konmsa mé la pa pou sa zot néna forséman rézon.

Alé ! Mi kite azot rofléshi la dsi é ni rotrouv pli d’van. Sipétadyé !