Mézami, ala in kozman sanm pou mwin li lé intéréssan pars li vé dir sinploman i fo pa tire la konsékans kékshoz la pankor arivé. Par ébzanp kalkil koman wi sava dépanss larzan ou a même pankor gagné.

Zot i souvien « Pérète é son po d’lé » in fab rokondissyoné par Lafontaine. Pérète i sava vande son rozoir d’lé épi i kalkil kossa li sava fé avèk sa – koman li sava vni rish-mé oila an plin dann milyé son bande projé lo lé i vèrs atèr é oila lo bande projé bien mal baré.

Néna in bonpé Pérète in pé partou dsi la tère, sé pou sa mi domande azot bien rofléshi noute kozman marké an-o la épi son konsékans.

Alé ! Mi kite azot kalkilé é ni artrouv pli d’van. Sipétadyé.

Justin