In kozman pou la rout

« Fé pa la bou avan la plui ! »

29 séptanm 2016, sanm Justin

Dann tout lang nana kozman konmsa. Pou kosa ? Pars, sanm pou moin dé toutan nana d’moun san pasyans. Dann in n’afèr, zot i vé an avoir lo rézilta avan l’afèr lé fète é fourni. Dann la lang fransé nana in kozman k’i vé dir a popré lo mèm z’afèr. Sé : « Vann la po l’ours avan ou la tyé ali. ». Lé vré tro aspéré, sa i fatig osi, épi na d’moun i èm pran tro lo tan pou fé kékshoz. Alor dann bann péi l’oksidan demoun la invant in n’afèr i apèl « la zéstyon lo tan » : in manyèr ariv in rézilta san tro anpèrd lo tan. D’apré zot sé in bon sansa in mové z’afèr ? Pétète oui, pétète non. Oui, pars lo tan étan rar-pou dé sèrtin-i vo myé pa gaspiy ali. Non ! Pars i di pa i fo pèrd lo tan pou gingn lo tan ? Mi pans zot I konpran amoin. I pé dir osi, tazantan I fo lès l’éspri voiyazé, konmsa li ropran favèr. Alé ! Ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus