Médam, Mésyé, La Sosyété, koz èk moin sé koz èk in kouyon, mé sé o pyé d’lo mir k’i oi lo mason. Nout tout i koné bien kozman moin la mark anlèr – la zordi. Sans prop ni koné kosa k’i lé : avan la plui la tèr lé sèk, kan la plui la fine bien tonbé li lé mol épi néna la bou. Astèr si ni port antansyon lo sans figiré, mi pans zot i sézi lo sans toutsuit : in légzanp ? Kan in moun i plant in karo lo frui épi avan k’la komans doné, li dépans déza sak li va gagné dan sa tète é sé l’èrla ké la plantasyon i done pa é lo fézèr d’projé li artrouv ali grojan konm dovan. Alé ! Mi kite azot rofléshi la dsi é ni artrouv pli d’van. Sipétadyé !