Si tèlman mwin lé a d’mandé kossa bann gramoune téi vé dir kan zot i di kozman mwin la marke an-o la.. Dann somi-lo mo Daniel Honoré la ékri sa i vé dir wi akorde in tro gran linportanss avèk kékshoz i mérite pa.

Donk sa i vé dir ni anparl pi la noss épi la ké la moru, mé ni anparl kékshoz k’i égziss dann la sossyété.. konm nou la di, avèk in ké d’moru normalman i pé pa fèr inn noss mé lé bien possib done linportanss kékshoz i mérite pa.

Par égzanp dann kél ka ? I pé dir sa dann in ka in paran i done tro linportanss kan in marmaye la fé in sinp kouyonade, sansa la di dé pti mo i vo pa la pène mé i déklansh in gran bataye. Sirtou si lalkol la mélé.

Mi panss sé in linvitassion pou réazir kan kékshoz i vo la pène é sirtou pa in réakssion disproporssyoné. Donk sé in konsèye sazèss d’apré mwin é sé konmsa kl’i fo pran lo kozman noute bann la vni avan nou.

Alé ! mi kite azot rofléshir la dsi éni retrouv pli dvan sipétadyé.

Justin