Mézami, sanb pou mwin, kozman-la sa zot i koné dopi lontan. Antouléka, mi ansouvien bien étan pti mwin té i antande sa. Momon avèk Papa té i roprosh anou souvan fé in n’afèr avèk kékshoz i vo pa la pène.

Mi rapèl in proféssèr filozofi, in vyé kréol, Méssyé Henri Lapierre, té i di anou : zot lé konm lo blan d’zèf. I mash, i mash, i mash ali é tanpir k’i mash tanpir ké li gonf dann oute boush. Kan mwin lété lissé l’avé in patroi téi di konmsa : zot i yèm grossi.

Dizon toussala sé la même shoze. Olèrk dédramatize in n’afèr, nou téi dramatize ali é sa sé in n’afèr a pa fère. Antouléka zordi étan gro gramoune - pou pa di vyé gramoune – mi pans konmsa.

Alé ! Mi kite azot rofléshi la dsi é ni artrouv pli d’van. Sipétadyé.