Mi koné pa sak zot i panss mé d’in sanss lé pa pli mal fèr lé shoz san fé voir, i di galman an katimini, sansa an missouk-i di ossi an missoukante. Pars si wi vé z’ète éfikass, ou na pwin intéré tro fé oir sak ou l’apré fé, sansa ou lé riskab trouv demoune pou boush oute shomin, sansa mète in lobstak dsi oute shomin galizé.

Finalman fèr lé shoz an missouk, sa sé in lign rouz noute listoir sansa koman bann zésklav noré fé pou alé maron si zot i kasyète pa in pé zot lintanssion.pli pré dnou dan la politik néna dmoune pou réissir i fé lé shoz an missouk.

a pli lopin k’dimansh nou té apré parl zélékssion noute kamarad Langenier san zète kandida ébin sa sé in n’afèr la déroute bonpé bann zofissyèl mé té kante mèm in gran viktoir i fé parti nout listoir.Mé antanssion, kan i fé lé shoz an missouk apré i fo rakontré pars listoir nout péi sa i mérite nout pèp i koné ali.

Alé ! Mi kite azot roflèshir la dsi é ni retrouv pli dvan sipétadyé.

Justin