Moin la konète lo tan demoun téi sava rod dolo kisoi dann rozoir, kisoi dann fèrblan.Téi sava rod sa la fontène sansa dann basin téi form apré la plui.Kan fèrblan té plin téi fé près pa dézord, mé kan té vide té i fé lo brui la tol.

Donk lé vré kozman lé marké an-o la.Solman konm nou l’apré koz dsi in provèrb i fo ni oi pou vréman kosa sa i roprézant dann la vi an sosyété.Rozoir vid i roprézant lo moun na poin arien pou di épi i fé dézord pli k’i anfo,é rozoir plin sé lo moun néna dé shoz a dir mé li fé pa dézord pou fé romark ali.

lé ! Mi lèss azot rofléshi la dsi é ni artrouv pli d’van.Sipétadyé !