Sé konmsa ké mwin la aprande, lé possib, lo zite Piton dé nèz lé riskab fèrm son porte d’issi moi d’jin, par rapor lo manke dolo. Lo zite an késtyon, mi koné pa li é lo Piton, pli o somé la Rényon, konm toute kréol sa i di amwin kékshoz é sa i intérèss amwin é mi konpran pou kossa néna bonpé d’moune i vé konète ali.

Alor konm la fé in zite laba, mi konpran pou kossa néna in bonpé vizitèr i vien ziska lo zite –nou bande umin nou néna touzour bézoin dolo mé oila, zite-la néna in résponsab é li kriye a tu-tète moi proshin li fèrm lo bistrak pars lé possib néna in manke delo.

Mé oila, mi poz amwin késtyon : issi la Rényon néna in mank delo ? Mèm an tan d’sésrèss sa i étone amwin. Mézami delo lé la li, kissoi dann l’èr avèk son wapèr, kissoi dan la tèr, kissoi kan la pli i tonb-mé mèm kan la pli i tonb pa, delo lé la é i sifi alé rode ali, sansa transporte ali é si lo poin d’lo lé itil pou l’moune k’i pass ébin i fo trouv in solission é mi panss pa si sa lé inpossib.

Dann lo ka d’lo, pou l’instan, inpossib lé pa rényoné

A bon antandèr, salu !