Lakey lo sit > Chroniques > Oté
« Figuir landomin koudvan »
In kozman pou la route
vandrodi 13 zanvié 2023, sanm
Médame zé méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.
Mézami mi panss zot i koné siklone avèk koudvan sé la mèm shoz : lontan téi antan lo pli souvan parl koudvan, koméla sé siklone mé lé topète-morète boi d’zalimète.
Antouléka sak lé sir sé ké siklone, kan li pass, é kan li sava, demoune lé in pé fatigué, kissoi par la pèr tangaz i sorte passé, kissoi la fatig wi rossan. Mi panss pa demoune la fine konète siklone va démanti amwin.
Alé ! Mi kite azot rofléshi la dsi é si possib rapèl azot zot lémossyon dann tangaz siklone, lo brui, lo souf la shalèr lo van épi toute lo dégréné d’apré koudvan.
Ni artrouv pli d’van. Sipétadyé.
Justin
