Nora sifi din siklone inpé pli violan k’dabitid pouk limaz in péi osi puisan lé Zétazini i vol an zékla. É sat ni voi i done pou réfléshi. Aparaman ryin, éstriktoman ryin, lété prévi pou fé fas’ Katrina. Pourtan, siklone-la té anonsé dopi lontan !

Sa la pa anpèsh le prézidan Bush alé trankilman an vakans’ dann son ransh. Kan la gravité la sitiasion la obliz ali sorte si son shéval, li la gonf son pèktoro pou di : Lamérik va débrouy ali son tousèl. Ni voi zordi le rézilta ! !

Par dizène milié, de moune i atann ankor sékour. Na poin d’lo pou boir, rien pou manzé. É si - par malèr - inndé réskapé i ansèrv azot la ousa nana, zot i pouré bien fini fiziyé san somasion. Fo bien bann vétéran l’Irak i ansèrv kèksoz !

Justin