Dan la vi an sossyété néna sak i travaye dann zot zintéré mé néna ossi sak i travaye kont zot zintéré. Lé dé i égzis é lé pa touzour fassil konprande lé z’inn épi lé z’ot.

Pars lintéré sa i pé konprande toutsuite pou toutsuite, mé sa i pé konprande lintéré pou domin sansa apré domin. Alor kan néna in shoi pou fé i fo tazantan aksèpt pèrde zordi pou gingn plis domin. Mé la pa toulmoune i roféshi parèye.

Mi oi par ébzanpe dann zé d’dame, sak i gingn sé sak momandoné la gingn fé in sakrifis plizyèr pion, pou ramass la mize apré.

Alé ! Mi kite azot rofléshi la dsi é ni rotrouv pli d’van. Sipétadyé.

Justin