Dann tan demoune téi zoué in bonpé moring in pé partou dan la kanpagn l’avé sak téi rante dann ron épi sak téi sorte kan téi oi l’avé pli for ké zot déza an pozission. Antouléka sa lété in spor danzéré é mon gran-pèr la di amwin sa lété si tèlman danzéré ké lo gouvèrnèr la désside interdi.

Alor téi roganiz bann konba an maron, konm i fé touzour issi La Rényon konm koi dopi lontan nou néna labitide fèr lé shoz an katimini.

Par l’fète néna in pti kozman k’i rovien amwin é sète-la i di konmsa : « Piman lé for mé kalou son mète » konm pou dir la fors lé rolatifé sa mlé bien vré.

Alé ! mi kite azot rofléshir la dsi é ni rotrouv pli dvan,sipétadyé.

Justin