Oté

« Fors a fors, gro moilon i vien ti-pilon. » : in kozman pou la rout

Témoignages.re / 18 septembre 2019

JPEG - 43.6 ko

Mésyé, mé dam, la sosyété, mi ansouvien in tan tout pilon téi fé La Rényon, konm tout rozoir é tout fèrblan bann fèrblanty t éi fé, parèye pou bann panyé parèye ankor pou tout in kantité zobzé.D’apré sak ni anparl an-o la pilon té fé isi avèk galé la rivyèr.

Mé antansyon, téi i falé lontan pou fé sa- lo tan épi la pasyans épi lo kouraz.Donkalor si ni pran lo kozman pou sak li lé donk konm in provèrb ni obli lo moélon, ni obliy lo pilon épi ni artienbo arienk la pasyans i fo pou fé in l’objé konm sak ni koné bien épi la kizinyèz i pé pa s’an pasé dann son kizine.

Romark téi vo la pène an avoir la pasyans pars défoi in pilon téi akonpagn in ménaz dsi la diré-tout in vi é apré téi pass sa bann zanfan ankor...Momandoné lo galé i vien fin konm in lam razoir é toudinkou, pèf, li kass par bout mé sa avèk lo tan.Alé !

Mi kite azot rofléshi la dsi é ni artrouv pli d’van.
Sipétadyé !