Kosa zot i anpans zot ? Lé sir fotbal I zoué dsi térin é lé z’éspéktatèr I fé dézord dann tribune ; I ariv mèm ké zot I fé l’éshanj kou d’poin dann tribune. Mé lé sir ké zot I mark pa lo bi ! Lé sir galman kéla pa dann tribune I ging n lo match.

Pou kosa mi di sa ? Pars dann tribine nan in pé k’i akonpagn lo bann zouèr an kriyan, mèm an fézan lo zès pou mark lo bi. Mé konm sé in provèrb, i fo ni rode lo sans nout kozmman : ni pé dir si ou lé pa l’aktèr dann in kékshoz, lo match i zoué san ou. Ou i pans ou lé inpor-tan, mé, boudikont, ou i kont pou in krote de shien.