Mi an souvien in zour in moun la di amoin na plis fou an déor ké dan l’opital.Moin la pran sa pou in plézantri. Pars lé bien vré an déor i oi rarman in moun i pran ali pou in grin mayi sansa pou in boite siraz pou in rou vélo ; Lé rar pars sak i suiv pa bann norm la sosyété é kan lé tro vizib i mète azot lopital psikyatrik..

Mé sa i vé pa dir an déor tout demoun lé rasi pou d’bon, toulmoun i suiv pa bann règ la sosyété, toulmoun la pas ansé pou d’bon. An pliské sa i ariv sirman défoi shakinnn néna son pti grinn foli é sak i viv par kote, la plipar d’tan, i romark pa arien. I fo dir la foli la pa in maladi pou vréman mèm sé plizyèr maladi.

Ala pou kosa i di souvan défoi kozman moin la mark an-o la. Alé ! Mi kite azot rofléshi la dsi é ni artrouv pli d’van .Sipétadyé !