Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami ala in kozman mwin lé sir zot i koné ali bien é zot i koné bien kossa i vé dir. Souvan défoi wi antan de moune apré parlé, apré késtyoné, apré pèz dsu la ké pou oir si la tète i bouj. Souvan wi domande pou kossa dann noute sossyété néna késtyonèr-késtyonèz konmsa. Ou lé a d’mandé pou kossa demoune i intérèss toute sort zafèr konmsa é kan ou la fine pratik in pé kréol wi konpran li ashète issi épi li vande laba.

I diré zot i koné kossa néna d’pli sogré dann la vi d’moune mé si wi kalkil bien lé pèrmi d’an avoir doutans :sak i rakonte pétète la pa vré, mé alor pou kossa i fé ladi-lafé la dsu. Pars sa i fé parti noute kiltir é sa i antrotien zénérassyon an zénérassyon. Malgré in provèrb i di konmsa : « Kroi la moityé sak ou la vi, kroi pa ditou sak demoune i rakonte. »

Alé ! Mi kite azot rofléshi la dsu é ni rotrouv pli d’van. Sipétadyé.