Sa sé in n’afèr inposib pou vréman : oir in fourmi, in pti bébète konmsa, an plis li marsh sou la tèr, la i bate la syans. Sa i vé dir, lé difisil kashyète la vérité mèm si in pé i kroi sé in n’afèr posib. Konbien la kroir in n’afèr konmsa épi zot la fini par fé trap azot ? La pa arienk inn biensir. Mé i pé an avoir in foutan la-dan. In légzanp ?

I akiz aou a tor pou an avoir fé kékshoz, alors konm pou dir lo lakizasyon lé pa sèryé, ou I di : ”fourmi I marsh sou la tèr kréol I koné !”. Konmsi ou I vé dir, avan di in n’afèr konmsa, I fo ou I aport la prèv a konviksyon pou komansé.

La fine ariv azot , sansa la pankor ariv azot in nafèr konmsa ? Fé travay zot koko, fé bouy zot matyèr griz, zot va oir si rant-rant ni tonm pa dé foi dakor rantre nou. Fé roulé férèr !