(page 16)

Shak dimansh dann “le JIR”, nana in magazine pa tro mal fouti i apèl “Les témoins de l’histoire” é i konsèrn nout péi. La pa nou pou fé le pti boush, dotan plis’ bann paz si nout listoir lé relativman rar. Mé la pa in rézon pou gob bann foutan “le JIR” !

Sirtou kan, totalman a kontretan, le foutan i rosanb plito in koud’ pié bourik. Parske, sof a kroir k’ lé zot i partaz out prop langoiss, par koman in zournalis’ - soidizan istorien - i pé parl de "mové tour le pasé", ou ankor d’"histoires familiales que l’on aimerait mieux ne pas connaître" ? ! !

Si le Parti kominis lé osi atashé èk la komémorasion labolision lèsklavaz, lé sirtou pa pou refèrm inndé paz listoir La Rénion. Le PCR la touzour di i fo voir ladan in doub libérasion. Sat lèsklav biensir, mé par voi d’ konsékans’, sat lèsklavazis’ osi. Not pèp lé formé èk tousala é li prétan asime son listoir dann son totalité ! ! !

Justin