Finalman ou lé lib. Ninport kisa, dann la vi, i pé tonm atèr. Kisoi in késtyon larzan, kisoi in késtyonn lonèr, kisoi mèm in késtyonn privilèz, kisoi in bèl sagrin lamour. Oplis ou i tonm ba, oplis ou i robonm o : sa i vé dir ou i pé ansort aou si ou i trouv in tiktak pou robonbé. Sa lé vré mé si ou lé fouyapin, ou i kraz atèr, ou i pouri, ou i santi mové é si ou sé pinpin ou i ropouss. L’onm lé konmsa, ni vé ni vé pa, néna dé kalité sak i ropran favèr é sak i arlèv pi. Moin té i oi d’moun dann tan siklone : bann pli for siklone la pankor fini zot l’apré rodrèss z’ot kaz. Bann pli fèb i aspère solèye pou rann kont lo mèr. Alé ! Mi done azot lo tan pou rofléshi é ni artrouv pli d’van. Sipétadyé !