Dann la lang kréol rényoné, konm dannn tout lang, néna désèrtin patoi i énète, i dir in pé, épi i disparète. Pou kosa ? Sinploman pars la lang sé in kékshoz vivan. Li shanj épi li ronouvèl shak instan. Dé foi li néna in diré d’vi in pé long mé dé foi li la pankor éné ké li la fine disparète. In sèrtin tan, rant kamarad, inn téi kass lé kui l’ot : sirtou sak i pèye pa son tourné. Li lé prézan pou boir, absan pou péyé. Prézan pou trap sigarète dann paké son kamarad, absan pou ofèr lé z’ot son paké. Kansréti pou ral in pti sinploman. Pou arshévé, dann in group kamarad, néna touzour inn lé pli kasèr lé kui ké lé zot é rapid siouplé pou mète aou an boite. Sé konmsa moin la vi lo patoi moin la mark an-o la, aparète épi disparète é i étoneré amoin k’i antann ankor sa zordi. Alé ! Mi kite azot rofléshi la dsi é ni artroouv pli d’van. Sipétadyé !