Mésyé, Médam, La sosyété koz èk moin sé koz èk in kouyon mé sé o pyé d’lo mir k’I oi lo bon mason. Mé zami, moin lé sir zot la fine antann kozman-la é pa arienk in foi sirtou si zot la grandi avèk bann zansien l’avé touzour zot prinsip sazèss. Konbien foi moin la antann sa kisoi dann la boush gromèr sansa groper. Kisoi dann la boush papa momon, tonton-tantine. Afèr ? Sinploman pou évite movèz frékantasyon.lo shien sé d’moun lé pa rokomandab lo puss sé vilin manyèr é sa té bann zansien téi di anou - é po mon par, moin la kontinyé la tradisyon é mi éspèr mon bann désandan va suiv galman lo tradisyon-la pars po moin sa lé valab pou vréman. In sinp parabol I vo myé k’in gran démonstrasyon, pèrd pa lo tan avèk gran diskour kan in pti kozman i pé mark plis léspri. Alé ! Mi kite azot rofléshi la dsi é ni artrouv pli d’van. Sipétadyé.