Dopi moin na loshien mon kaz, i ariv in pèryod l’ané lo shien na lo pus. Pus lo shien ! Nou lé bien dakor. Pa pus véra, pars si mi tronp pa lo shien i trap pa pus véra : sak i fé lo ni dsou la po é ziska dan la shèr. Mé lo pis lo shien la pa pli agréab mi pé dir azot.

Mé la pa tousa kosa nout provèrb i vé dir ? Li vé dir ké la plipar d’tan kan ou i frékant demoun nana vilin défo, ou osi ou i trap lo défo. I di pa : « Frékant volèr pou vni volèr ! ». I di pa galman « frékant mantèr pou vni mantèr ». Romark, la plipar d’tankan ou na in zanfan nana vilib manyèr, ou i mète la fot dsi son bann kamarad li férékant alé oir dé foi sé li-mèm l’aport sonn défo dann lo group.

Myé vo pas pou in viktime ké pou in koupab ; zot i kroi pa !