Mézami, kozman mwin la mark an-o la, sirman zot i koné sa pars si mi rapèl bien téi di sa souvan défoi dan la famiye. Si ni anparl lo shien épi puss l’avé bonpé — mi pans néna ankor koméla, sirtou kan mi oi toussa lo shien san mète i divag partou.

Mé par l’fète, la pa lo shien épi puss lété vizé mé demoune néna movèz répitassion, vilin défo, na poin arien d’bien pou tiré. La famiye, san z’ète sur, téi di zot fiye san, sa zot garsson, sirtou frékante pa intèl… mé la plipar d’tan lété pou in movèz rézon la plipar d’tan — pou in vyé problème famiye par ébzanpe. L’èr-la lof frékantassion lété suspé.

Alé ! Mi kite azot rofléshi la dsu é ni rotrouv pli d’van. Sipétadyé.

Justin