Mé biensir dann nout kozman i parl pa d’toupi i roul bien, mèm i dor, i parl toupi san naye donk i roul an massikrok. Honoré Daniel i di toupi i tourn an mazanbète.. Mi oi pa tro koman sa i éspass mé mwin lé sir li tourn pa bien. Dann dikssyonèr Alain Armand i anparl toupi an sobolo, toupi massikrok, mèm toupi an mazanbète é biensir sa i tourn pa bien sa-lé pa bien ékilibré.

Astèr biensir dann nout kozman ni parl pa toupi an vré mé ni anparl demoune é sé l’moune ni apèl toupi san naye. San naye ? li roul pa bien : li sava a droite, a gosh, li koush dsi koté, li dérap, li floute mèm dann zèrb. San naye dizon li sé in pé in fofol dann la sossyété. Biensir i fo pa fé konfyanss pars nou na pwin afèr in moune sèryé-li lé pa rézonab é konm i di li lé plito rézodyab.in kalité d’moune bann momon i di zot zanfan : méfyé d’sa ! Pass o larz !

Alé ! Mi kite azot rofléshir la dsi é ni retrouv pli dvan, sipétadyé.

Justin