Médam, Mésyé, la sosyété, gèp i fé zoli ni, li lé mèm armé pou défann son ni, li pé galman alé loin pou li rode lo matéryo pou li grandi son ni. Ravaz pa li dann son ni, si ou i vé pa gingn malèr. Mi pans mèm an groupan ali li na moiyin fé tout in kantité zafèr mi dovine mèm pa. Mé domann pa li domyèl pars sète-la li la poin moiyin pou done aou. Demoun lé parèye : néna sak li gingn fé épi sak li gingn paf é. Pou kosa ? Pars li la aprann fé désèrtènn shoz épi d’ot li la pa aprann. Myé k’sa, souvan dé foi li la aprann fé dé shoz dann son famiy, épi d’ot li la parann lékol sansa dan l’izine mé néna in takon zafèr li koné pa fé é pétète li konétra zamé : konsan nout limite é pa bézoin sèye désote ali tro : sa sé in loi d’la vi. Alé ! Mi kite azot rofléshi la dsi é ni artrouv pli d’van. Sipétadyé !