In kozman pou la rout

« Gèp i fé l’ni, mé li la zamé di li fé d’myèl »

20 octob 2018, sanm Justin

Mon la zamé antann gèp kozé, é mèm si moin l’avé antann moin noré pa konprann ali, mé bann z’ansien sak la mète gèp dann z’ot téat zot la bien trouvé. Pars abien rogardé moush amyèl i fé lo ni, gèp osi, mèm moush sarbon mé si ni agard bien lo ni gèp-la sa lé vréman fabriké konm k’i fo-gèp té in vré l’arshitèk. Mous a myèl, pou son par li fé d’myèl é son ni lé travayé pou fé sa. Astèr kosa kozman-la i vé di pou vréman ? Zis pou di d’moun, an sosyété di toultan la vérité pars lé pa pridan alé sharj dolo pars lo our pou fé la prèv lé riskab ète lo zour ou va tonm de o. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus