Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« Gète èk lo zyé, fini avèk lo kèr ! » - in kozman pou la rout

lindi 16 mars 2015, sanm Justin

Sa in kozman mi aprésyé bien. Pou kosa ? lo zyé lé intélizan, li lé amaré avèk in n’afèr li trouv zoli. In zoli madam, i zoli péizaz, in zoli kaz, anfin tout sak lé zoli. Si lé vilin, anvoy dingé ! Pa toultan, mé nou va di dé pti mo .

Afors trouv zoli avèk lo zyé, i fini par émé, é kan i èm sè lo kèr k’i koz. Vré pa vré ?. Mé konm moin la di, i ariv k’in n’afèr vilin avèk o zyé, kan ou i rogard bien, ou i oi li pé zète plézab. Moin l’avé in dalon, inn boté d’moun ! Toudinkou li la tonm amouré pou in vilin moun si tèlman vilin demoun té i kri ali kankrola, sansa sap-sap. Sa la pa anpèsh ali amen son vi avèk son madam ziska zot lé mor.

Inn la suiv l’ot, a s’ki paré. Kosa zot i pans de sa ? Arien ! Alé fé travay zot koko, fé bouy zot matyèr griz é zot va oir, rant-rant, si ni tonm pa in pé dakor rantre nou. Fé roulé férèr !


Inn modékri, inn ti lavi, inn komantèr ?

signaler contenu


Facebook Twitter Linkedin Google plus