Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson .

Kozman-la sa in drol kozman an vérité. Zot i koné kossa i lé l’orzélé ? Sa sé in bouton wi pé gingn dann zyé.Lé bon pou sa mèm ! Mé pou kèl rézon i pé gingn sa ?Pars ou la rofiz kékshoz in fam an voi d’famiye la domande aou.

Mézami sa i fé parti la kouyonis demoune i kroi dann nout péi.In sipèrstission si zot i vé.Konm doboute dann la rouvèrtir la porte i porte malèr,sé galman in sipèrstission épi néna d’ote é d’ote ankor é n out léspri lé plin a rabor avèk sa.

Mé sa i pass firamézir ! i pass konm i pass pa ! final de konte sa i fé parti noute tradission é si défoi li disparète, li réaparète apré, alé konète pou koué .

Alé ! Mi kite azot rofléshi la dsi é ni artrouv pli d’van. Sipétadyé.