Na in n’afèr lé sir sé ké kréol, souvan défoi, dann nout l’istoir, la lité pou pa mor d’fain. Kan mi di kréol, i fo dir in pé tout pèp té blijé batay pou pa mor vant vid. Zordi ankor, kan i di na pi pèrsone la fain dsi la tèr, lé pa vré, pars a bien rogardé plis in milyar d’moun i soufèr la famine.

Nana mèm i di, isi La Rényon pèrsone la pi fain, alé oir sa lé pa vré non pli pars pou in bonpé la fin di moi i tonm avan lo kinz shak moi… Nout vyé famiy la touzour di anou lé pa bon kan léstoma lé vid : ou na poin la fors pou travay, ou la poin l’énèrzi pou fé kékshoz, na dé foi ou i rèv ou i manz mé mèm dann out rèv manzé na poin…

Zot i koné lo problèm ? Non ! Pa ditou ! Fé travay z’ot koko ! Fé bouy z’ot matyèr griz ! épi zot va oir si, rant-rant, zot i pans pa in pé parèy ké moin, rantre nou. Fé roulé Férèr !