Gouvèrnman néna in shoval de bataye k’i apèl la lite kont lo lévazion fiskal é d’apré sak mi antan dir li éspèr rékipèr la dsi plizyèr milyar l’éro é li oi sa déza konm in sikssé pou li.Domaz ké la frode fiskal sé pliss san milyar l’éro é la some larzan li vé trapé i koréspon pa ditou la kantité larzan détourné.

Gouvèrnman néna ankor dann son poinn-vizé la frode sossyal é li panss la dsi li sava trape pa mal larzan.Vré, pa vré ? mi koné pa oziss mé mi antan i di issi d’laba sé bann gro sossyété k’i pèye pa konm i fo zot kotizassion sossyal- i apèl sa lo cac karante é bann bon zobsèrvatèr i panss gouvèrnman i sava pa fé préssion dsi banna pars li la zamé fé é la pa zordi li va komanssé é si li koz, ankor in kou sé pou fèr sanblan.

Sak gouvèrnman i gingn trapé sé bann pti, kissoi bann shomèr, kissoi bann pti épi moiyin lantropriz néna bann dète sossyal, é final de konte sé bann travayèr lo salèr i goumante pa konm i dovré..Kont zot, gouvèrnman i fé pa sanblan mèm sa min lé bien lour.

Fèb avèk sak lé for é for avèk sak lé fèb.A bon antandèr salu !

Justin